, , , , , ,

12:21 AM

जनकपुरमा समानान्तर कार्यक्रम गर्ने धम्की

जनकपुर, मंसिर ४ - भारतीय प्रधानमन्त्री नरेन्द्र मोदीको नागरिक अभिनन्दन र सम्बोधन जानकी मन्दिर परिसरमा गर्न लागिएकामा असन्तुष्टि जनाउँदै २२ दलले बुधबार धनुषाका प्रमुख जिल्ला अधिकारीमार्फत सरकारलाई ज्ञापनपत्र बुझाएका छन्।

संघीय लोकतान्त्रिक मोर्चासम्बद्ध दलका नेता/कार्यकर्ताले नागरिकको चाहनाविपरीत सीमित व्यक्तिबीच कार्यक्रम गर्न लागिएकामा असन्तुष्टि जनाएका हुन्। बाह्रबिघा रंगभूमि मैदान र जनपथमा उभिएर मोदीको स्वागत/अभिनन्दन गरिने उनीहरूले बताए। सरकारी कार्यक्रममा सहभागी नभई समानान्तर कार्यक्रम आयोजना गर्ने उनीहरूले बताए। प्रजिअ कृष्णप्रसाद ढुंगानामार्फत प्रधानमन्त्रीलाई पठाएको ज्ञापनपत्रमा पूर्वमन्त्री रामचन्द्र झा, सभासदहरू डा. विजयकुमार सिंह, रामसिंह यादव र माधवी रानी साह, पूर्वमन्त्रीहरू अरविन्द साह, हरिनारायण यादव, सुरिता साह र चन्दा चौधरी तथा मोर्चाका जिल्ला अध्यक्षहरूको हस्ताक्षर छ।

भारतीय प्रधानमन्त्रीको नागरिक अभिनन्दन तथा सम्बोधन बाह्रबिघा रंगभूमि मैदानमा हुनुपर्ने तथा मधेसका दलित छात्राहरूलाई साइकल वितरण गर्न दिइनुपर्ने माग ज्ञापनपत्रमा गरिएको छ। चार सय जना अट्ने जानकी मन्दिरमा सार्वजनिक समारोह गर्नु अव्यावहारिक हुने उनीहरूको दाबी छ।

'सरकारी कार्यक्रम जानकी मन्दिरमा हुन्छ, आमनागरिक बाह्रबिघा मैदानमा भेला भएर स्वागत/अभिनन्दन गर्नेछन्,' एमाओवादी पोलिटब्युरो सदस्य तथा पूर्वमन्त्री रामचन्द्र झाले भने।

२२ दलीय मोर्चाको पहलमा भारतीय प्रधानमन्त्रीलाई अभिनन्दन गर्न बाह्रबिघा मैदानमा मञ्च निर्माण गरिने सभासद रामसिंह यादवले जानकारी दिए। जनकपुर युथ डेभलपमेन्ट फोर्सले समेत प्रजिअ ढुंगानालाई ज्ञापनपत्र बुझाउँदै भारतीय प्रधानमन्त्रीको नागरिक अभिनन्दन र सम्बोधन हेर्न तथा सुन्नबाट सर्वसाधारणलाई वञ्चित गर्न नहुने बताएको छ।
, , , , , , , ,

12:14 AM 2
काठमाडौ, मंसिर ४ - यसवर्षको एसएलसी परीक्षा चैत्र ५ गते हुने भएको छ । आज बिहीबार बिहान बसेको माध्यमिक शिक्षा उत्तीर्ण परीक्षा बोर्ड बैठकले उक्त निर्णय गरेको हो ।

यसवर्षको परीक्षा ५ गते बाट सुरु भई चैत्र १६ गतेसम्म चल्नेछ । यसवर्ष प्रयोगात्मक शिक्षाको समेत परीक्षा दिनुपर्नेछ । यसअघि सैंद्धान्तिक विषयको मात्रै परीक्षा हुँदै आएको थियो । १३ गतेसम्म सैद्धान्तिक बिषयको परीक्षा हुनेछ ।

प्रयोगात्मक विषयको पनि परीक्षा हुने भएकोले यो पटकको एसएलसी  १६ गतेसम्म संचालन हुने परीक्षा नियन्त्रक विष्णु द्वारेले जानकारी दिए । माध्यमिक तहमा ३ वटा विषयमा प्रयोगात्मक अध्ययन हुन्छ ।

गत वर्ष चैत्र ६ गतेदेखि १२ गते सम्म एसएलसी परीक्षा भएको थियो

परीक्षा तालिका

चैत ५ अनिवार्य अंग्रेजी   चैत ६ अनिवार्य नेपाली
चैत ८ मा गणित             चैत ९ मा विज्ञान
चैत १० सामाजिक          चैत ११ स्वास्थ्य जनसंख्या तथा वातावरण शिक्षा
चैत १२ ऐच्छिक प्रथम    चैत १३ ऐच्छिक दोस्रो
, , , , , , ,

11:52 PM
इन्टरनेट जाएन्ट गुगलका वैज्ञानिकहरुले यस्तो सफ्टवेयरको निर्माण गरेका छन् जसले कुनैपनि तस्वीरमा रहेका विषयवस्तुहरुको मानिसले लेखेजस्तै गरी वर्णन गर्नसक्छ ।
यो नयाँ कृत्रिम खुफिया सफ्टवेयरले गुगलमा तस्वीरको खोजीलाई समेत सहज बनाउनुका साथै दृष्टिवीहिन मानिसहरुलाई समेत कुनैपनि तस्वीर तथा चित्रलाई राम्रोसँग
बुझ्न सहयोग गर्ने गुगलले जनाएको छ ।
यसैबीच अमेरिकाको स्टान्फोर्ड विश्वविद्यालयका शोधकर्ताहरुले पनि यस क्षेत्रमा अहम सफलता प्राप्त भएको बताएका छन् ।
गुगलले विकाश गरेको मेसिन-लर्निङ सफ्टवेयरमा दुइ प्रकारका ‘न्युरल नेटवर्क’को प्रयोग गरिएको हुन्छ । जसमध्ये एउटाले तस्वीरको पहिचान तथा अर्कोले प्राकृतिक भाषा प्रशोधनको काम गर्नेछ ।
न्युरल नेटवर्किङ एक प्रकारको कम्प्युटरकृत मोडेल हो जसमा मस्तिष्कमै जस्तो स्नायुजन्य संरचनाको छाया स्वरुप हुन्छ । यो प्रणालीमा श्रृंखलाबद्ध परस्पर जोडिएका न्युरोन संरचना हुन्छन् जसले विभिन्न तस्वीरजन्य श्रोतबाट सूचना ग्रहण गर्ने मात्र होइन त्यस्ता सूचनालाई मनन समेत गर्न सक्छन् ।
यो अद्धितीय सफ्टवेयरको विकाश गर्ने गुगलका ४ जना वैज्ञानिक ओरिओल भिन्याल्स, अलेक्जेन्डर तोशेभ, सामी बेंगिओ र दुमित्रु इर्हानले गुगलको रिसर्च ब्लगमा लेखेका छन्, ‘एउटा तस्वीरको मूल्य हजारौँ शव्दजत्तिकै हुन्छ । तर कहिलेकाहीँ शव्दहरु बढि महत्वपूर्ण हुन्छन् । त्यसैले हामीले तस्वीरलाई स्वचालित तथा बढि शुद्धतापूर्वक शव्दमा रुपान्तरण गर्ने मार्ग पत्ता लगाएका छौँ ।’
स्मरण रहोस् २ वर्षअघि पनि गुगलले तस्वीर पहिचान गर्ने सफ्टवेयरको विकाश गरेका थिए ।
, , , , , ,

11:46 PM
सामान्यतया कसैको स्वभाव थाहा पाउनु छ भने उक्त व्यक्तिको बानी, व्यवहार, आचरण, रहन–रहन थाहा पाउनुपर्ने हुन्छ । तर यति सबै कुरा थाहा हुँदा हुँदै पनि कतिपय अवस्थामा मानिसको स्वभाव थाहा पाउन निकै कठिन हुने गर्दछ । त्यसमाथि पनि महिलाको बारेमा थाहा पाउन भगवानले त नसक्ने कुरा थुप्रै मानिसहरुले उच्चारण गर्ने गर्दछन् । तर हामी तपाईंलाई महिलाको स्वभाव थाहा पाउने सजिलो तरिका बताइदिँदै छौँ । उनको स्वभाव कस्तो छ भन्ने कुरा तपाईंले उनको नाभी अथवा नाइटो हेरेर थाहा पाउन सक्नुहुन्छ । समुन्द्र शास्त्रले पनि महिलाको नाभीको आकार हेरेर उनको स्वभावको बारेमा थाहा पाउन सकिने बताएको छ ।

   १. समतल नाभीः
समतल नाभी भएका महिलाहरुले कसैको विश्वास गर्दैनन् र यस्ता महिलाहरु विश्वासिला पनि हुँदैनन् । यी महिलाहरुले सधैँ अरुलाई दुख नै दिइरहेका हुन्छन् । पुरुषमित्रहरु, यस्ता स्त्रीहरुबाट टाढा बस्दा नै राम्रो हुन्छ ।
   २. गोलो नाभीः
 जसको गोलो नाभी हुन्छ ती महिला निकै गुणवान हुने गर्दछन् । यस्ता महिलाहरुको स्वास्थ्य राम्रो हुन्छ र उनीहरु बुद्धिमान हुने गर्दछन् । दयालु स्वाभाव भएका यी महिलाहरु परिवार र समाजमा सम्मानित हुने गर्दछन् ।  

  ३. माथि उठेको नाभीः 
माथि उठेको नाभी हुने महिलाहरु गोरी र सुन्दर हुने गर्दछन् । मिलनसार र रोमान्टिक यस्ता महिलाहरुले अकस्तमात् धन लाभ गर्दछन् । यस्ता महिलाहरुको विवाह निकै राम्रा र धनी पुरुषसँग हुने गर्दछन् ।  

   ४. गहिरो नाभीः 
गहिरो नाभी हुने महिलाहरु अलि भावुक किसिमका हुने गर्दछन् । सानो–सानो कुराले पनि उनीहरुलाई चाँडै हँसाउने र चाँडै रुवाउने पनि गर्दछ । यस्ता महिलाहरुको मन सफा हुने भएता पनि उनीहरु रोगी हुन्छन् ।    

५. बाहिर निस्किएको नाभीः
 बाहिर निस्किएको नाभी भएको महिलाहरुलाई गर्भधारण गर्न समस्या हुने समुन्द्र शास्त्रले बताउँछ । यदि गर्भवती भइहाले पनि उनीहरुलाई सन्तान जन्माउन गाह्रो हुने बताइएको छ ।
  
६. केन्द्र भागमा नभई फरक स्थानको नाभी :
सामान्यतया नाभी केन्द्र भागमा नै हुने गर्दछ तर कतिपय अवस्थामा यो केन्द्र भागमा नै हुन्छ भन्ने हुँदैन । जुन स्त्रीको नाभी फरक स्थानमा हुन्छ त्यस्ता महिलाहरु उर्जावान र उत्साही हुने गर्दछन् । यिनीहरु आफ्नो क्षेत्रमा निकै सफल मानिन्छन् विशेषतः उनीहरु खेल क्षेत्रमा सफल हुने गर्दछन् ।
    
७. लामो र अनियमित नाभीः 
जो महिलाको नाइटो लामो र अनियमित आकारको छ उक्त महिलाहरुमा आत्मविश्वास बढि हुन्छ भने उनीहरु आफ्नै खुट्टामा उभिन चाहने स्वाभिमानी खालका हुन्छन् । यस्ता महिलाहरु अरु मानिसहरुसँग चाँडै घुलमिल भइहाल्छन् । थुप्रै मानिसहरुका चिनजान राख्ने स्वभाव भएका कारण यस्ता महिलाको पुरुषसँगको सम्बन्धमा कहिलेकाँही समस्या आउने गर्दछ । समुन्द्र शास्त्रले दिएको यो जानकारी सहि हो कि गलत भन्ने विषयमा तपाईंहरु आफैँ यसको उपयोग गरेर हेर्नुहोला । (एजेन्सी) -
, , , , , , ,

11:40 PM
जाजरकोट, मंसिर ४ – जाजरकोट सदरमुकामबाट सुर्खेतको राकमका लागि गइरहेको यात्रुबाहक बस बिहिबार बिहान जाजरकोटको भुर गाविस– ७, भुत चौरमा दुर्घटनाग्रस्त हुँदा  ५ जनाको ज्यान गएको छ  । डिएस्पी दिनेश राज मैनालीले बताए अनुसार करिब ३७ जना यात्रु बोकेर गन्तव्यतर्फ गइरहेको ना ३ ख १४०८ नम्वरको यात्रुवहाक बस सडकबाट ४० मिटर तल भेरी नदीमा खस्दा ५ जनाको ज्यान गएको हो । दुर्घटनामा परेर १० जना घाइते भएका छन् ।
मृतक सबैलाई पानीले बगाएको अवस्थामा फेला पारेको हो । दुर्घटनाग्रस्त बस भेरी नदीमा पुरै डुबेको हुँदा उद्दारमा कठिनाई भइरहेको बताइएको छ ।
प्रहरीले दिएको जानकारी अनुसार  घाईतेहरुमा जाजरकोट डाँडागाउका ७ का लक्ष्मी वुढा,तिलक पुन, गोपाल रोकाय, दाग पन्चकुलेका भीम वहादुर चन्द, वाँके टिटरीयका पदमराज पुरी, भुर ८ जाजरकोटका दिपक शाही, वाँकेकै विमला रोकाय ,सुर्खेत जहरेका मोतिलाल डागी, जाजरकोट खलंगा ३ का उमीला ओली, जिल्ला प्रहरी कार्यालय जाजरकोटका कार्यालय सहयोगी देववहादुर थापा रहेका छन् ।
मृतकको परिचय खुल्न बाँकी रहेको बताइएको छ ।  घाइतेको नेपालगञ्ज अस्पतालमा उपचारका लागि लगिएको छ ।
जाजरकोट सदरमुकामवाट ३७ जना यात्रु लिएर गएको बसमा बीचमा धेरै यात्रु थपिएको अनुमान प्रहरीले गरेको छ ।
मध्येपश्चिम वस व्यवसायीक समितिको वस दुर्घटनामा परेको हो । बस पानीमा डुवेका कारण कुनै पनि लास निकाल्न नसकिएको वताएको छ ।

Subscribe to: Comments (Atom)

Contact Form

Name

Email *

Message *

DEMO NEWS © 2015. All Rights Reserved.
Shared by Themes24x7

MARI themes

Powered by Blogger.